薩莉亞意式餐廳 (淘大商場2期) (已結業)

一講起薩莉亞大家都知周圍都有好多分店，今次我就嚟咗一間位於牛頭角新開嘅分店。新環境果然又大又乾淨，地方好闊落，約埋三五知己 食飯非常方便又舒適。最重要係呢度平靚正，大件夾抵食！黑松露野菌忌廉意大利粉 平時食開嘅都係野菌忌廉意大利粉，今次加埋黑松露，梗係要試下新嘢啦！加埋黑松露味道濃郁咗，的確係好食咗呀。蒜蓉焗田螺 keep到一向嘅水準，蒜蓉味非常香，夾埋田螺食好好味。羊鞍焗爐燒 羊鞍一啲都唔騷，厚切大大舊，好有口感！香焗白汁雞肉菠菜 芝士好多味道好濃，菠菜亦都夠淋。