影片
更多
2021-02-04
184 浏览
話說上星期想食燒肉，一search hashtag就見到有幾個食評推介哩間良心燒肉店💛 原來係筲箕灣既“激安燒肉工房”新開喺尖沙咀既分店，新張期間全單7折，超級抵食🥰 哩個價位黎講質素亦都唔錯，而且店員態度好好、有禮貌，不過提提大家哩間餐廳booking好full，記得一定要事前book位，用餐時間亦限左90分鐘😉 食得太興奮，有啲款式唔記得影相，請見諒🙇🏻♀️🙇🏻♀️🙇🏻♀️ *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*入座後店員會附上柚子蒜蓉、日式燒汁、青檸辣汁哩3款醬汁比客人食燒肉時任意配搭，我個人鍾意柚子蒜蓉同青檸辣汁，微微既酸味除左令人更開胃之外，仲可以中和左燒肉既油膩感，亦更能帶出肉香 🐮 九宮格燒牛盛合 ($288)哩款幾乎係每枱必嗌🤣 入面包含厚切牛舌腩、A4和牛西冷、Prime牛小排、薄燒頂級肉眼、安格斯牛仔骨、芫荽辣漬小牛扒、汁燒護心肉、生薑燒骰仔牛梅花、壺漬牛肋肉 咁多款當中我最鍾意A4和牛西冷、厚切牛舌腩同埋Prime牛小排，和牛同牛小排有好濃郁既肉香同油香，油花分佈平均，和牛比起牛小排更有入口即溶既感覺，而牛舌腩既油脂感十足，
食得太興奮，有啲款式唔記得影相，請見諒🙇🏻♀️🙇🏻♀️🙇🏻♀️
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
入座後店員會附上柚子蒜蓉、日式燒汁、青檸辣汁哩3款醬汁比客人食燒肉時任意配搭，我個人鍾意柚子蒜蓉同青檸辣汁，微微既酸味除左令人更開胃之外，仲可以中和左燒肉既油膩感，亦更能帶出肉香
🐮 九宮格燒牛盛合 ($288)
哩款幾乎係每枱必嗌🤣 入面包含厚切牛舌腩、A4和牛西冷、Prime牛小排、薄燒頂級肉眼、安格斯牛仔骨、芫荽辣漬小牛扒、汁燒護心肉、生薑燒骰仔牛梅花、壺漬牛肋肉
咁多款當中我最鍾意A4和牛西冷、厚切牛舌腩同埋Prime牛小排，和牛同牛小排有好濃郁既肉香同油香，油花分佈平均，和牛比起牛小排更有入口即溶既感覺，而牛舌腩既油脂感十足，口感爽彈同時帶有油花既軟膩。另外芫荽辣漬小牛扒亦都唔錯，辣辣地，惹味得黎冇搶走牛肉既味道，肉質厚實而且唔韌，不過芫荽味欠奉，雖然岩曬我哩個終極芫荽hater🤪 不過如果你係芫荽fans就可能會唔滿足啦～
而我覺得相對上一般既款式有安格斯牛仔骨同汁燒護心肉，牛仔骨肉質偏韌同埋乾，而汁燒護心肉則太甜，醬汁有啲搶味，而且護心肉本身質感偏硬帶有嚼勁，個人唔太鍾意🤨 不過哩個九宮格可以一次過試到9款唔同既牛肉部位，岩曬有選擇困難既朋友，而且價錢好抵，非常推薦！
🐮 黑椒鹽味厚切牛舌芯 ($78)
$78（未計7折）有5大塊牛舌！相比起九宮格入面既牛舌腩，哩款既油脂感會冇咁重，但係牛味會更突出，而口感更爽口彈牙，兩款牛舌各有千秋😋
🐮 日本A4和牛眼上蓋 ($168)
肉味頗香，油脂充足，而且切得薄身，燒起黎夠香口，相比起九宮格入面既和牛西冷會冇咁有入口即溶既感覺，肉味亦都稍微冇咁濃郁，不過留意返佢既價錢係平過和牛西冷一截，份量亦都好充足，所以如果唔想比太多錢單嗌和牛西冷，哩款眼上蓋係唔錯既alternative👍
🍄 牛油蒜蓉雜菇 ($26)
牛油蒜蓉哩個配搭就肯定冇死，好難會整得難食😂 菇既種類有金菇、雞髀菇、蘑菇等等，值得一讚係啲菇都夠新鮮，冇霉味
🐔 柚子漬雞肉山 ($38)
比起上面牛既款式佢就比較遜色，冇雞味，柚子味亦都淡到幾乎食唔出，不過勝在肉質都算嫩滑，而且雞件份量多，切得好厚，雖然味道一般但係咁既價錢有咁既份量都算係好抵食既
🐷 日式味噌黑豚五花肉 ($68)
哩款亦係咁多款肉類之中我比較唔好既🙁 肥瘦比例唔平均，脂肪太多，肉香欠奉，而且醃料太甜，進一步減淡左豬肉味
🍻 Sapporo生啤 ($48/2)
啤酒就冇乜好講架啦，但係都要擺埋落黎係因為佢買一送一！仲要有7折！超級無敵抵飲🤩
✍️ 𝓞𝓿𝓮𝓻𝓪𝓵𝓵 𝓻𝓪𝓽𝓲𝓷𝓰𝓼 ✍️
ᴛᴀsᴛᴇ ⇢ 𝟽.𝟹/𝟷𝟶
ᴅᴇ́ᴄᴏʀ ⇢ 𝟼.𝟻/𝟷𝟶
sᴇʀᴠɪᴄᴇ ⇢ 𝟾.𝟻/𝟷𝟶
ʜʏɢɪᴇɴᴇ ⇢ 𝟾.𝟻/𝟷𝟶
ᴠᴀʟᴜᴇ ғᴏʀ $$ ⇢ 9/𝟷𝟶
*,.▤‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥‥▤,.*
📍 尖沙咀金馬倫道48號中國保險大廈3樓C號舖
#非專業食評
#食評只反映當日食物質素
张贴
