火水爐冰室火鍋

营业中

休息中

Item: 火水爐冰室火鍋
Rating: 1
Author: yaleto

Fo Shui Lo

727 食记

味道

环境

服务

卫生

抵食

35352

旺角

$201-400

港式火锅少盐少糖食店

576

资讯:
餐厅:	火水爐冰室火鍋

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

yaleto

等级2

知道生意難做，所以好少會投訴或者寫啲唔好嘅評論！但係呢一間真係奉勸大家唔好去🥲除非你想貼錢買難受！一去到嘅時候，朋友們想揀比較平嘅任食set ，店員已經話暫時未有要等，所以無奈地揀咗最貴嗰個set! 而且話碌卡機有問題淨係收現金！一坐低口罩都未除就已經問雞煲要咩辣！好似好趕時間咁！雞煲到咗3分鐘之後，佢哋就馬上將個雞煲移去個碟度，再即刻問要咩湯底🥵呢個時候其實朋友都未到齊～食緊嘅時候，全程啲店員同老闆態度都好奇怪，總之就係好想你快啲走！去到大概8:33pm 左右～（即係入咗之後 1 小時20分）店員就話last order! 咁都明白嘅，朋友們就話等等，因為我哋成枱都係嘢！跟住再隔幾分鐘即係大概 8:40pm, 店員就問我哋要咩雪糕！咁其實休息時間應該係兩小時，即係我哋其實仲有半個鐘頭左右！我就問店員，其實我哋幾點要走，可唔可以俾個實際時間我等我有個預算。店員就話「差唔多㗎喇你哋而家要走！」8:40分其實距離我哋任食嘅時間應該仲有32 分鐘！之後佢哋好快就拎張單過嚟叫我哋埋單，然後買單嘅時候佢哋係收咗我哋book位嘅人數，唔係收我哋到齊嘅人數！所以大家記住小心check 單！去

知道生意難做，所以好少會投訴或者寫啲唔好嘅評論！但係呢一間真係奉勸大家唔好去🥲除非你想貼錢買難受！

一去到嘅時候，朋友們想揀比較平嘅任食set ，店員已經話暫時未有要等，所以無奈地揀咗最貴嗰個set! 而且話碌卡機有問題淨係收現金！

一坐低口罩都未除就已經問雞煲要咩辣！好似好趕時間咁！雞煲到咗3分鐘之後，佢哋就馬上將個雞煲移去個碟度，再即刻問要咩湯底🥵呢個時候其實朋友都未到齊～

食緊嘅時候，全程啲店員同老闆態度都好奇怪，總之就係好想你快啲走！去到大概8:33pm 左右～（即係入咗之後 1 小時20分）店員就話last order! 咁都明白嘅，朋友們就話等等，因為我哋成枱都係嘢！跟住再隔幾分鐘即係大概 8:40pm, 店員就問我哋要咩雪糕！咁其實休息時間應該係兩小時，即係我哋其實仲有半個鐘頭左右！

我就問店員，其實我哋幾點要走，可唔可以俾個實際時間我等我有個預算。店員就話「差唔多㗎喇你哋而家要走！」8:40分其實距離我哋任食嘅時間應該仲有32 分鐘！

之後佢哋好快就拎張單過嚟叫我哋埋單，然後買單嘅時候佢哋係收咗我哋book位嘅人數，唔係收我哋到齊嘅人數！所以大家記住小心check 單！

去到最後我哋叫雪糕、店員問我哋想要咩味、當我哋揀好晒嘅時候～老闆就行過嚟話冇其他味剩係得雲呢拿🤔

其實喺香港任食都食過好多次，無論係打邊爐定係燒烤，通常都會好禮貌咁話俾你聽入座時間同埋幾點鐘要走。你唔會好似佢哋咁不停咁吹你！最後埋單連服務費每人$327！呢個價錢食物係佳寶嘅質素，而且男仔只有六至七成飽，但係都冇乜心情去食😇