形 (海天晉滙)

星期六去食下午茶，成間餐廳得一個侍應。落單之後等咗15分鐘，侍應先至行過嚟同我講個肥牛已經賣晒，跟住就咁問咗句：「轉豬肉片可以嗎？」

等侍應送餐，前後已經成半個鐘。個飯到咗枱面真係呆咗——所謂嘅「豬肉片」，原來係五、六塊手指公長度嘅肉片，肉片掛芡汁撈埋底下啲白飯，食完成個感覺都係空虛。我食吉野家又或者街邊茶餐廳都好過佢。

就連個鳳爪沙律，明明唔使煮，都一樣要等足半個鐘先送到，個飯都已經食完，唔知係咪廚房得一個人，定係張單飛咗去第二度。

等又等得耐，食又食得唔滿足，以後都係唔好嘥時間再嚟。