影片
更多
2015-09-14
125 浏览
落單時已好聲好氣甘同嗰個啡色衫清潔阿姐講：「靚女，腸粉唔要甜同辣醬，唔該」，點知佢就甘木囗木面，一言不發睇左一眼張單，就甘同另外一個紅衫阿姐講左一句：「唔要辣醤」，之後走左去，我聽到之後，ok fine！我當我講得唔清楚，於是我立刻補返一句：「靚女，腸粉唔要甜同辣醬，唔該」！紅衫聽到後亦一言不發之後做野，我心諗冇禮貌呢間野嘅特色嚟嫁？之後到佢拎左碟腸粉嚟時，卻發現佢落左甜醬，於是我開始小小火滾，但又保持禮貌及語氣，又同紅衫阿姐講：「唔該，我剛才已經講左話唔要甜同辣醬」，佢聞言後又再唔出聲目無表情，一句Sorry都冇，拎走碟野，然後竟然就甘夾走沾有甜醬嘅腸粉，打算就甘俾返我！我心諗妳真好野！就喺我打算拍枱走人時，有另一個長駐在店外麵檔的紅衫阿姐同佢耳語了幾句後，夾夾下突然停左手，問我：「係咪一定一滳都唔要？」，我心諗妳都幾廢話下喎！我接受到嘅話，我就唔會一開始就叫妳哋走醬啦！！見到妳D毫無歉意，面目可憎嘅咀臉講完後，我心中雖有氣，但話哂第一次嚟幫襯，事前略有聽聞食評不差，於是忍一忍，霸氣回覆一句：「係·呀！！」阿姐聽完後，終於放底碟「有料腸粉」，雙手捽面，強作精神，再夾過另一份腸粉過嚟，
落單時已好聲好氣甘同嗰個啡色衫清潔阿姐講：「靚女，腸粉唔要甜同辣醬，唔該」，點知佢就甘木囗木面，一言不發睇左一眼張單，就甘同另外一個紅衫阿姐講左一句：「唔要辣醤」，之後走左去，我聽到之後，ok fine！我當我講得唔清楚，於是我立刻補返一句：「靚女，腸粉唔要甜同辣醬，唔該」！紅衫聽到後亦一言不發之後做野，我心諗冇禮貌呢間野嘅特色嚟嫁？
之後到佢拎左碟腸粉嚟時，卻發現佢落左甜醬，於是我開始小小火滾，但又保持禮貌及語氣，又同紅衫阿姐講：「唔該，我剛才已經講左話唔要甜同辣醬」，佢聞言後又再唔出聲目無表情，一句Sorry都冇，拎走碟野，然後竟然就甘夾走沾有甜醬嘅腸粉，打算就甘俾返我！我心諗妳真好野！就喺我打算拍枱走人時，有另一個長駐在店外麵檔的紅衫阿姐同佢耳語了幾句後，夾夾下突然停左手，問我：「係咪一定一滳都唔要？」，我心諗妳都幾廢話下喎！我接受到嘅話，我就唔會一開始就叫妳哋走醬啦！！見到妳D毫無歉意，面目可憎嘅咀臉講完後，我心中雖有氣，但話哂第一次嚟幫襯，事前略有聽聞食評不差，於是忍一忍，霸氣回覆一句：「係·呀！！」
阿姐聽完後，終於放底碟「有料腸粉」，雙手捽面，強作精神，再夾過另一份腸粉過嚟，不過可惜佢又漏左芝麻⋯⋯我輕嘆一聲，只好又又又再叫佢補回⋯⋯天呀！難度想安安靜靜地食返餐都甘難？！
好啦，評論一下食物吧：
腸粉：蒸的時間唔夠長，略硬，味道普通。
咖哩魚蛋：咖哩味只停留在表面，魚蛋只有少少魚味，失敗。
牛腩：一個字——硬！味道尚可。
豆卜同米線：普通質素，乏陳可述。
湯底：我係剔選牛腩汁，但佢又發緊夢，俾錯辣汁！辣味無層次，欠辣香！失敗！
最後亦不得不提，清潔阿姐同疑似老闆嘅阿叔，拎住個充滿臭味嘅污糟下欄桶，拎出拎入兼捧在我的eye level位置，迫我同其他食客去聞！一D衛生都冇！而早前落單嘅凍檬茶到離開時，也沒有出現過！
在人流不多，絶非繁忙的時段下，居然可以接二連三發生如此多錯誤，而錯誤不止從一人發生，而是過半數店員，作為一個老闆及管理者，治理能力相當有問題！責無旁貸！希望能迅速改善！
张贴
