GRAIN (已結業)

Lunch hours 一定要好好滿足下自己🥹，因為食完飯就要去見客🤩，咁當然要食個豐富嘅午餐先可以夠精神🥳餐廳嘅食物選擇都好多，最後就揀咗一款小食同一款主食。小食方面Corn Ribs〰️本身以為呢個應該冇乜驚喜，估唔到竟然咁好食。焦香粟米燒到金黃色嘅外層好香甜又香脆。而粟米蓉非常綿密又飽肚。爆谷脆卜卜咁，好難唔鍾意食！主食方面 Lasagne〰️芝士肉醬千層麵非常之邪惡，滿滿嘅芝士香味，配搭上超多嘅肉醬，撈勻千層麵之後一啲都唔會太過濟，仲有啲麵包碎，口感豐富得嚟，味道又係無得彈😘整體嚟講，餐廳嘅服務質素同埋食物嘅水準都非常之滿意❗️