意粉屋 (已結業)

係moko睇完戲都成8點鐘，諗左陣去食咩好，竟然俾小編發現有the spaghetti house, 又唔洗等位，直接入座先啦。佢menu其實都有幾多新item, 但小編同友人加埋都係只得兩個胃，食唔得幾多，無謂眼闊肚窄咁所以都係叫兩個main dish 加一個appetiser 算喇。去得意粉屋就梗係要叫意粉啦，叫左個spaghetti napolitano, 呢個係小編心目中既top 1 pasta, 又有唔同既sausages, 又有煙肉又有pepper onion, 係一個味道同口感都好豐富既意粉，好好食。之後叫左個石燒牛肩肉，牛肩肉勝在唔肥膩，用熱石上檯，生熟程度就由閣下自理。仲有兩個配菜，姐係薯條同牛油果沙律，成個main份量都幾多，又唔會淨係食肉咁油膩。最後叫在個黑松露雜菌，呢個用鐵板上確實有啲驚喜，可以較長時間地keep到個溫度，而且好重黑松露味，整體黎講係好食。