一碗肉燥 (TKO Gateway西翼) (已結業)

坑口開左間新店，叫‘一碗肉燥’。約埋朋友去試新野，嘩！門口超級多人，我都明白大家都想試新野，結果我地等左成粒鐘先入到。成間店用左黃白2色去表達，好光猛，好簡潔。佢台面有張餐單，比你自由配搭，但基本上離唔開佢既主打-‘肉燥’。我地叫左回魂黑醋豬軟骨+原味肉燥飯、好吃鹽酥雞排+原味肉燥湯麵、香葉三杯雞鍋+香辣香蔥肉燥伴麵。豬軟骨非常惹味，陳醋唔會太酸，非常開胃，鹽酥雞扒唔油，炸得好鬆脆，三杯雞鍋係當中最好食既，因為佢真係入味，夠晒熱，有鑊氣，食得出佢係一炒起就上鍋出菜。絕對要推介～！飲品對香港人黎講就冇咩特別，泡沫珍珠奶茶、柚子蜜、蜂蜜紅茶，全部台式飲品，香港人都好熟悉，冇咩驚喜。食物比飲品出色太多，呢間新店，可以再encore!