安安燒 (鯉景大廈) (已結業)

經朋友介紹專誠搭車到筲箕灣食，點知各方面都差到咁，唔會再食下一次:(


首先，喺疫情期間啲侍應完全冇防疫意識，係咁用手掂口罩面，收完cash又再上菜，過程完全冇消毒對手，叫客人點食得放心。而且，入面啲枱櫈好污糟，唔似有重點清潔過。


另外，大部份食物嘅味都係孜然粉加七味粉，連啲唔夾嘅食物都係呢隻味。我叫咗兩串雞肉軟骨棒，竟然都係上面加呢兩隻粉，真係一見到都O晒嘴。

我見餐廳幅海螺串好似幾吸引，點知嚟到完全貨不對辦。雖然都知圖同實際係會有出入，但無論個份量同個樣都太大分別啦。冇錯，而佢依然都係孜然粉加七味粉嘅味

真係唔明點解咁多好評。我就真係覺得伏到爆。