影片
更多
2023-08-06
251 浏览
有d長，講重點先：已經唔算最忙既時間去（9點幾），當時台數無坐滿，但眼見台台野食都等大概45分鐘到1個鐘先有得食。服務態度極差，要人等咁耐同野食有問題，一句唔好意思都無，淨係個個趕收工。等執啦。琴晚星期六同男朋友去食，夜晚九點去到，等左大概20分鐘。當時都好多台都已經買單出黎，所以真係要serve既台數唔算多。睇翻張單，大概9:30pm落單，我地叫左冬陰功湯、蟹肉炒粉絲同焗南瓜咖喱海鮮。等左半個鐘（10點）先有個冬陰功湯….見都好飲就算，然後等多15分鐘（姐係落單後45分鐘）先有個蟹肉炒粉絲。等禁耐已經好忟，個粉絲仲要唔好食，d蟹肉得幾條絲係面頭，成碟都得d青椒同芽菜，完全無調味，差過茶餐廳碟頭飯，我自己係屋企都整得好食過佢，仲唔洗等45分鐘添。然後等到10:30pm（下單後大概一個鐘…)都未有個南瓜海鮮。問左幾次，個個員工都黑口黑面，話整緊。然後個個趕收工咁（11點收工），係咁執野然後叫我地埋單。d野食都未黎，埋咩單啊大佬。然後等到大概10:40，個焗海鮮終於出現，但個男經理俾左隔離檯（隔離檯大概遲我地半個鐘落單）。我即刻嬲左問佢咩事啊？！佢好寸咁話「黎緊啦，我得一對手攞唔到兩碟」。
琴晚星期六同男朋友去食，夜晚九點去到，等左大概20分鐘。當時都好多台都已經買單出黎，所以真係要serve既台數唔算多。睇翻張單，大概9:30pm落單，我地叫左冬陰功湯、蟹肉炒粉絲同焗南瓜咖喱海鮮。
等左半個鐘（10點）先有個冬陰功湯….見都好飲就算，然後等多15分鐘（姐係落單後45分鐘）先有個蟹肉炒粉絲。等禁耐已經好忟，個粉絲仲要唔好食，d蟹肉得幾條絲係面頭，成碟都得d青椒同芽菜，完全無調味，差過茶餐廳碟頭飯，我自己係屋企都整得好食過佢，仲唔洗等45分鐘添。
然後等到10:30pm（下單後大概一個鐘…)都未有個南瓜海鮮。問左幾次，個個員工都黑口黑面，話整緊。然後個個趕收工咁（11點收工），係咁執野然後叫我地埋單。d野食都未黎，埋咩單啊大佬。
然後等到大概10:40，個焗海鮮終於出現，但個男經理俾左隔離檯（隔離檯大概遲我地半個鐘落單）。我即刻嬲左問佢咩事啊？！佢好寸咁話「黎緊啦，我得一對手攞唔到兩碟」。佢明知我地黎先，又催左咁耐，已經咁不滿，但偏偏要俾隔離先，我覺得佢係故意玩野。同埋人地遲我地半個鐘叫，但同我地同時間上菜，真係合理咩？
最後碟咖哩黎，我一食，面頭隻蝦係凍既，
。我問個經理點解會凍，佢話無理由架喔，剛炒好出黎。一句唔好意思都無，仲好似覺得我玩野咁。佢有話攞入去再炒。我驚佢加料，話算啦唔好攪咁多野。超失望。
過多兩三分鐘（10:45左右），有個女仔就過黎催我地埋單。我話我都等你d野食等左一個鐘啦，你等下啦，我地食完先埋。個女人一d唔好意思都無，仲啤住我。
總結：已經唔算最忙既時間去（9點幾），當時台數無坐滿，但眼見台台野食都等大概45分鐘到1個鐘先有得食。服務態度極差，要人等咁耐同野食有問題，一句唔好意思都無，淨係個個趕收工。等執啦。
张贴