加藤屋 (路德圍) (已結業)

同友人喺城門水塘行咗個圈，夜晚落到黎路德圍食飯，結果揀咗加藤屋。入到黎姐姐好友善咁問我哋食啲乜嘢，但係講緊坐低大概2分鐘，略嫌覺得姐姐有點心急想落單，但呢樣都係小事。我叫咗一個咖喱炸雞飯，而友人叫咗碗特盛牛肉飯。佢個碗等咗唔夠2分鐘就到🤣🤣，而我嗰個就要等多7-8分鐘先到望落去其實就同其他連鎖牛肉飯店差唔多，略嫌個飯腍咗少少(個人鍾意食較硬身既飯)，但係炸雞做得幾好，真係外脆內軟，但如果同食字頭牛肉飯店比，個人認為食字頭做得好少少，但係呢個勝在都好抵。注:個餐包埋嘢飲，我叫咗可樂，冇咩特別🤣🤣整體來講，極速食個飯依個肚呢度都係唔錯嘅選擇。