雞髀爸爸 (已結業)

今日想食個下午茶！見到雞髀爸爸👨推出唔同嘅套餐，好似幾抵食，又方便，幫你set好晒，就決定試吓！魷魚鬚好彈牙，而且好易咬得斷！雞軟骨醃製過，所以特別滋味！好有咬口！食到索索聲🥰餐飲:茉莉茶，好清香，而且係微暖，食完邪惡嘅嘢潤下喉又解渴！生炸爆汁大雞髀！真係超巨型！以為大隻啲肉就會好鞋，點知又多汁又嫩， 而且仲要即叫即炸，拎到返屋企都仲係新鮮。多種調味粉，自己調味！濃味淡味任君選擇！炸物個皮一定要夠薄，否則成口粉，會好油，呢間做得好，因為個係超薄餐廳都有少量座位可以堂食👌🏻👌🏻👌🏻