韓膳宮 (已結業)

天氣持續都好凍，就梗係要食返啲熱辣辣嘅嘢啦！今日就自己一個去咗旺角行街，本身都想食韓國菜，因為都想飲下啲熱湯，咁就上網search下有冇邊間韓國餐廳有得飲我想飲嘅熱湯。結果我就搵到呢間位於旺角通菜街嘅韓膳宮，亦得知呢間韓國餐廳仲係新開嘅，我都冇諗太多就上咗去啦！😙😙餐廳環境比我想像中優美同舒服，空間算大同闊落！👍🏻🥰一心只想飲熱湯嘅我就叫咗個辣海鮮滑豆腐湯，上枱見到啲配料都好豐富😍，望到啲蝦蝦都好大隻仲好新鮮，豆腐滑溜，金菇又爽口！😋每啖湯又爽又辣咁好惹味！👍🏻