影片
更多
2020-10-01
43 浏览
自己平時間唔中都會獎勵下自己，所以今日就特別去咗食日本嘢，仲要去一間專門食Omakase嘅日本餐廳。すし豐係專門只做Omakase，好耐之前都已經略有聽聞，今次去到之後，見到個餐牌，就會心微笑左一下。我點左價位中間嘅《錦·上》，$1088，包括左：🍥前菜（漬物）🍥三款新鮮刺身（帶子、拖羅、鰹魚）🍥香煎油甘魚🍥五款時令壽司（赤貝、池魚、秋刀魚、大拖羅、^_^）🍥濃滑魚湯🍥時令生果（熊本縣哈密瓜）但由於最多只能配圖12張，所以就重點地介紹幾款食物。一入到去嘅時候，餐廳佈置得好靚，長枱式嘅設計，方便廚師同埋顧客嘅交流，我特別難忘嘅係，呢度嘅師傅Micheal非常健談，會分享好多食物嘅故事。一開始嘅時候，漬物係柚子蘿蔔、赤醋薑，Micheal知道我鍾意食，所以反覆地幫我添加左幾次，柚子蘿蔔非常甜，開胃，而且脆身，口感好。真係一讚，食完蘿蔔之後，通常個人會比較涼，而再食呢款漬物時，姜味性平，就中和左蘿蔔嘅涼，赤醋薑有少少辣味，但相信好多人都會接受到。再之後就開始食魚生，先來嘅係中拖羅同埋大拖羅。拖羅係完全無雜渣，入口即溶，魚油味嘅香長留係口腔內，好多人呢個時候即刻飲一啖茶，但我就絕對唔會咁做，寧
すし豐係專門只做Omakase，好耐之前都已經略有聽聞，今次去到之後，見到個餐牌，就會心微笑左一下。
我點左價位中間嘅《錦·上》，$1088，包括左：
🍥前菜（漬物）
🍥三款新鮮刺身（帶子、拖羅、鰹魚）
🍥香煎油甘魚
🍥五款時令壽司（赤貝、池魚、秋刀魚、大拖羅、^_^）
🍥濃滑魚湯
🍥時令生果（熊本縣哈密瓜）
但由於最多只能配圖12張，所以就重點地介紹幾款食物。
一入到去嘅時候，餐廳佈置得好靚，長枱式嘅設計，方便廚師同埋顧客嘅交流，我特別難忘嘅係，呢度嘅師傅Micheal非常健談，會分享好多食物嘅故事。
一開始嘅時候，漬物係柚子蘿蔔、赤醋薑，Micheal知道我鍾意食，所以反覆地幫我添加左幾次，柚子蘿蔔非常甜，開胃，而且脆身，口感好。
真係一讚，食完蘿蔔之後，通常個人會比較涼，而再食呢款漬物時，姜味性平，就中和左蘿蔔嘅涼，赤醋薑有少少辣味，但相信好多人都會接受到。
再之後就開始食魚生，先來嘅係中拖羅同埋大拖羅。拖羅係完全無雜渣，入口即溶，魚油味嘅香長留係口腔內，好多人呢個時候即刻飲一啖茶，但我就絕對唔會咁做，寧願享受多一陣。
再之後就係鏗魚刺身，Micheal特登拎一夠大鏗魚出黎，係呀我哋面前用火燒，然後再用把勁鋒利嘅刀，一片一片地切出來。
鏗魚肉身較硬，鮮，由於外皮用火炙過，所以有種火燒嘅香，魚嘅鮮味再加埋炙香，令到個感覺同埋味道有更多層次。
再之後就係其他刺身，帶子，帶子是新鮮的，打佢嘅時候仲會有反應。帶子非常鮮味，而且好大粒，慢慢食嘅時候，口感軟軟。
再之後就係熟食，係油甘魚，油甘魚燒得黎非常香，而且肉質嫩，特別想讚嘅係，由於油甘魚比較多魚油，所以呢到特別調較左個柚子酸汁加羅白蓉，中和左油膩感，將成個油甘魚提升多一個層次。特別開胃。
之後就想提佢嘅赤背壽司，赤背都係非常新鮮，食落去嘅時候，爽口，有鮮味。
再之後就係海膽三文魚子刺身飯，三文魚子非常大粒，咬落去嘅時候，非常多汁，而且唔會有腥味；另外海膽非常香，好甜，好新鮮，配埋飯一齊食，就更加豐富。
再之後嚟咗個湯，呢個湯係好濃嘅魚湯，另外裏面仲有蕃茄油，所以應該係蕃茄魚湯黎，甜。
甜品係佢哋嘅靜岡蜜瓜，咬落去嘅時候係軟綿綿，好多汁流出黎。
张贴
