Will's Coffee (已結業)

深水埗真係有好多隱世食店，仲要有好多都好有質素，今次就比我搵到呢間Will’s Coffee。店舖雖小，但裝修環境都幾舒服，主要係做外賣。食物和飲品方面選擇唔多，但其實都好足夠，係以健康為大前題，所以主張係少鹽少甜。網上見到有手工芋泥西多士，完全係啱哂我呢個芋泥控，第一時間諗都唔洗諗就order左。手工芋泥西多士 - 即叫即製，熱辣辣，極邪惡。多士外脆香口，內餡麵包鬆軟，配上濃郁但不膩的芋泥蓉，又香又甜，口感很豐富，勁正。韓式辣醬泡菜豚肉貝果山漢堡 - 可以選擇自己喜歡的Bagel，今次我就選擇了黑芝麻Bagel，配上有少許辣的泡菜及炒得香口的豚肉，估唔到可以咁夾，但如果醬汁方面可以再濃厚啲就會更加好。岩鹽焦糖Latte - 好多時小店的咖啡總是比連鎖店更出色，呢間Will’s Coffee都不例外，杯咖啡非常容易入口，很不錯，就連我這個不嗜好咖啡的人，也忍不住多喝了幾啖。益力多柚子沙冰 - 有大量柚子的果肉，配合埋益力多的酸甜，非常清新可口。在現今物價貴，租金貴，人工貴的社會，這類型的小店的生存空間越來越少，希望大家多些支持這些仍然努力掙扎堅持中的香港小店。