炭火地雞 (已搬遷) 新店位置

🇭🇰Hong KongAverage expense pp: HKD$300-400+📍Address: 炭火地雞Yakitori25, Causeway Bay @yakitori25hk 炭火地雞，實在太多串燒選擇。呢個嘅串燒會別有一番香味，原因係餐廳會採用日本備長炭，火喉時間掌握得剛好，帶出串燒嘅風味。食物主要分雞肉、其他肉類同埋蔬菜等等選擇！雞肉部份竟然連我估唔到嘅部位都有提供，應有盡有。提燈，蛋黃味流心，超級香濃，值得一試！個人推介，甘口嘉美雞燒全翼，新鮮炸得香跪，雞肉鮮嫩多汁juicy，加上秘製醬汁，食完想encore！雞肝醬多士，脆卜卜多士加上雞肝醬，入口香濃濃郁。免治雞肉棒，呢道當然係必點，在點上日本雞蛋，係整個免治雞肉棒嘅靈魂醬汁。其他非雞類選擇，例如白鱔、豬腩肉鵪鶉蛋、豬腩肉包蘆筍卷，都非常好食。牛類方面，必點A4鹽燒和牛崩沙腩，崩沙腩牛味非常香濃，中間夾住青椒，中和牛肉嘅油膩感，唔錯！燒菠蘿香甜多汁。食完串燒之際，叫上一碗濃香雞湯素面，滿佈雞蛋，飲一啖雞湯，再配上甜品焦糖番薯配雪糕，番薯上面係香脆嘅焦糖，非常滿足！