一粥麵 (已結業)

公眾假期嘅屯門，邊到都多人架啦，仲要加上呢間野新開就當然人更多啦，好在搭到枱就唔使等。散叫咗個炸両，18個大洋一碟，個皮唔太厚，又唔會話太黏會痴住筷子夾唔起，加上蔥花係皮裡面一齊蒸，食落更香，而炸両就食落仍然脆口，唔錯唔錯。我就點咗呢個雲吞麵套餐，雲吞size都叫適中，咬開都見到有兩嚿細蝦肉，豬肉放得太多胡椒粉啦，一咬落去淨係食到胡椒味，個湯底就無乜味，啲麵一注注纏住變咗夾起成餅野，麵質唔爽又唔彈加多9蚊一個冰鎮奶茶，奶茶無咩茶味，奶須夠多但飲落唔夠滑，整體唔夠香濃。除咗個炸両等咗8分鐘左右有得食，另外點兩個餐都等咗成15分鐘先有，等都唔緊要，但嚟到啲野係唔夠熱呢個質素，真係好難有下次