稻香 (彌敦酒店) (已結業)

幫朋友搬屋,搬左一整日,朋友話既然大家都咁肚餓不如打邊爐,於是我們來稻香任飲任食!酒樓位於佐敦地鐵站附近,行10分鐘便可到達,搭𨋢上2樓全層,地方闊落,光線充足!分左右兩邊,一邊食小菜一邊打邊爐,打邊爐位置附近有自助吧,可以自由混醬,任攞飲品,糠水和雪條!坐低左後,立即選擇火鍋湯底和材料,我們想一次過食2款湯底,所以選擇左<滋味鴛鴦湯底>,即係清湯和沙嗲!湯底選好後就選火鍋材料!!唔洗5分鐘就選好交給侍應!湯底好快到,但我們等呀等...等左好耐好耐都未上火鍋材料,最後我們忍唔住要追單,追完再等多5分鐘先來,不過材料上得都唔齊,唯有第二轉落單再叫過!火鍋材料在我印象中都係普普通通,但我最記得<美國雪花肥牛>不錯,但<秀珍菇>真的麻麻地!<美國雪花肥牛> 牛肉顏色紅潤有光澤,雪花分佈平均,薄切食起來一d都唔韌,口感不錯! <秀珍菇> 顏色偏黃暗啞,唔算好新鮮,菇傘太薄,掂一掂就甩,主要都係食菇柄!整體來講,酒樓環境可以,但食物質素仲可以有進步空間!!