凪豚骨拉麵 (已搬遷) 新店位置

我本來唔諗住寫食評但係我好驚呢間野會冇生意做唔住~以後冇得食所以我決定一定要寫!相信大家都知道呢間BB Ramen前身係豚王啦! 而下面各位人兄都有寫過此店歷史咁我無謂多講啦!BB Ramen開張第一個禮拜我已經開始食~ 都最少一個禮拜黎一次。我每次來都覺得呢間店一次好食過一次!湯唔夠熱呢D野我來多兩次已經冇再發生過~ 證明質量已經開始成熟。我本人唔太鐘意魚介口味所以食過一次已經決定只叫豬骨湯。佢個豬骨湯令我諗起豚王剛開張時候頂峰既味道。 我平時鐘意叫佢個黑蒜油味同胡椒限定味~ 真係好好食。特別胡椒王! 香港第度絕對食唔到呢種咁地道既胡椒味! 夠辣但係又唔會搶味! 正! 而黑蒜油又帶到豬骨湯味出來~ 超夠蒜味! 蒜fans必試!不過千祈唔好叫花椒王~ 花椒好搶同過濃... 所以唔好亂叫。麵質來講我好鐘意太麵~ 韌度非常夠又痴到D湯。限定麵隻麥麵比太麵幼身比細麵粗~ 係最好既balance!你要我去rank 香港拉麵的話呢間排第一~ 第二一蘭~ 第三拉麵來~ 第四一風堂~ 而豚王就... 算啦.. 對上三次食只能講難食~ 決定杯葛!BB Ramen 比一蘭優性之處主要係口味份量同配料，不