東喜茶 (已結業)

已經在內地試過數次「喜茶」, 芝士奶蓋做得出神入化, 加上強勢的marketing, 引來一陣陣大長龍打卡潮。上網翻查了官網證實香港無分店, 咁呢間個logo有90%相似, 而店名只差一隻字嘅「東喜茶」究竟係何方神聖呢?位置於旺角鬧市不太起眼的地方。星期六下午三點左右大約就有十個八個人在門口, 有幾個排緊隊落單等拎嘢飲,有D人就響度睇下諗下。我就決定要一試芝士奶蓋, 咁先比較到高低嘅!揀左杯芝士哈哈 (低脂): 哈哈就係哈密瓜, 配芝士奶蓋。比朋友嘅芝士火火(火龍果), 右邊杯芝士哈哈嘅芝士奶蓋份量明顯多一大截, 唔知係唔係知我鍾意而加料? 反而想試試用返正宗45度角飲, 會唔會影響到一半芝士奶蓋一半茶嘅完美入口份量。測試結果係冇影響, 都係會飲到一口同時有芝士奶蓋混合哈密瓜果汁兩種不同質感的配搭!芝士奶蓋都係好creamy厚身, 哈密瓜果汁幾清新仲帶有少少哈密瓜渣, 唔係水咁淡。對於有好嘢食/飲嘅吃貨們而言, 有口福的話, 其實唔理咩版本都可以成為大滿足!