響 - Hibiki 日本燒肉 (已結業)

今晚來到位於佐敦的 響-Hibiki日本燒肉與一班朋友聚舊。出𨋢就見到好有氣勢的「響」字。雖然係燒肉店，但抽風做得好好，一點油煙味都沒有。未行到位，已經被甜品櫃和雪糕櫃吸引著，我的胃已預留位置給它們。每枱都會有燒肉拼盤、海鮮拼盤、刺身拼盤，食完可以逐樣追加。記得不要浪費食物，食得晒先好點啊。燒肉拼盤有澳洲和手西冷、澳洲和牛肉眼和澳洲和牛胸腹。米澤三元豚西冷、七味豚拖羅、雞翼、骨付雞肉腸。澳洲和牛輕輕燒一燒，肉味濃郁，質地柔軟。海鮮拼盤有北海道蟹腳、大蝦、帶子和喜之次。蟹腳大隻肉厚，記得烘一會兒就可以，如果唔係會太乾。帶子上加咗粒牛油，溶咗之後好香，好好味。響-有一般燒肉放題較少見的喜之次，魚皮向火爐一邊，烤到熟就可以夾魚肉食，好甜。刺身拼盤有驚喜。有大大隻的新鮮生蠔和日本海膽，入口鮮甜。帶子、赤身、油甘魚、八爪魚、甜蝦、三文魚全都十分新鮮，肉質結實，味道甜美。其他還可以燒蔬菜。廚房即製的有天婦羅、炸物、椒鹽燒、小食沙拉、烏冬、鍋物。天婦羅和鍋物值得一試喔。飲品有多款汽水、啤酒，還有熱茶，加錢可以飲埋生啤。 甜品有Dreyers甜筒、Movenpick、榴槤雪糕、芒果雪條，全部都好好味。