王將精點 (已結業)

早幾天見到同事帶個粉紅色豬仔包做早餐，個樣Q到爆，乜咁早就去酒樓食點心打埋包，佢話冇咁嘅事，只不過係返工路過買咗份外賣，原來同事住油麻地，粉紅豬仔包就係喺 碧街地鐵口嘅［王將精點］ 度買嘅。今日去開嗰邊預咗一試，果然一出A1 地鐵口 就見到間舖，門面設計好古裝下，粉紅豬仔正名係粉豚豬嘜包，實質係叉燒包來的，落左單原來係即叫即蒸，Counter旁邊仲有悠閒吧枱座，可以好casual 咁食下點心又幾好啊🥰除咗粉豚豬嘜包，我仲點左蟹子鮮蝦脆皮腸，嘩，絕對可以話係一試難忘，通透嘅腸粉皮內包着層層薄脆，仲食得出係好似網絲咁，逐漸爆開，再嚟鮮甜蝦仁，粒粒蟹籽霹靂啪喇，好好食呀👍👍👍講番隻粉豚豬嘜、熱呼呼個樣成隻豬八戒咁好得意，我一口咬開，义燒醬汁好似火山岩咁瀉出來，蜜汁餡料甜甜地，唔肥唔瘦，兜住個包一啖啖咁駁住食，唔係誇張，味道係超級咁正 ⭐️⭐️⭐️⭐️⭐️睇下睇下點解兩隻豬嘜唔同樣🤪，原來西化啲果隻叫啜啜流沙包，又好正咁，呢間［王將精點］高質非凡，真係後悔❤️愛得太遲👑👑👑