影片
更多
2019-05-20
53 浏览
如果人生只係可以食多一次打邊爐,我一定揀酒鍋! 今晚同男朋友慶祝生日，佢唔想食一啲嘥錢嘅浪漫西餐，佢最鍾意打邊爐，所以我就揀咗一間非常之靚，非常之高檔嘅洒鍋!入到黎，坐窗口位，任何嘢未食，淨係影出面嘅靚景，已經可以消磨左10分鐘。先講鍋底，有好多前所未見嘅湯底，出面嘅火鍋絕對唔會見到，我哋揀咗最出名嘅「走火入鍋」，又落玫瑰露又落乾冰，淨係呢個噱頭已經值回票價，入面有幾種味未，有麻辣，有沙嗲，有胡椒豬肚湯，有龍蝦湯，而最重要係唔只得個顏色得個樣，係當你將食物喺湯底淥完之後，真係有嗰種湯底嘅香味。肉方面叫咗小牛排，個presentation真係一流，一塊塊咁浪住喺度；跟住輪到最正嘅海鮮拼盤，聖子同埋帶子非常之新鮮；跟住仲有黑松露dumpling ,非常之彈牙,黑松露味亦都非常之出色；再嚟墨丸一碟,三粒平平無奇嘅墨丸將佢製成三隻企鵝,淥完之後竟然小企鵝個樣仲係度,有冇咁cute !壓軸仲黎多個三色面,本身諗住已經非常之飽，真係唔想食,點知食咗啖之後完全停唔到口，因為實在太彈牙啦，比澳門嘅竹升麵更勝一籌！總括而言，呢餐邊爐係非常難忘，靚景靚食物好服務，夫復何求!
今晚同男朋友慶祝生日，佢唔想食一啲嘥錢嘅浪漫西餐，佢最鍾意打邊爐，所以我就揀咗一間非常之靚，非常之高檔嘅洒鍋!
入到黎，坐窗口位，任何嘢未食，淨係影出面嘅靚景，已經可以消磨左10分鐘。
先講鍋底，有好多前所未見嘅湯底，出面嘅火鍋絕對唔會見到，我哋揀咗最出名嘅「走火入鍋」，又落玫瑰露又落乾冰，淨係呢個噱頭已經值回票價，入面有幾種味未，有麻辣，有沙嗲，有胡椒豬肚湯，有龍蝦湯，而最重要係唔只得個顏色得個樣，係當你將食物喺湯底淥完之後，真係有嗰種湯底嘅香味。
肉方面叫咗小牛排，個presentation真係一流，一塊塊咁浪住喺度；
跟住輪到最正嘅海鮮拼盤，聖子同埋帶子非常之新鮮；
跟住仲有黑松露dumpling ,非常之彈牙,黑松露味亦都非常之出色；
再嚟墨丸一碟,三粒平平無奇嘅墨丸將佢製成三隻企鵝,淥完之後竟然小企鵝個樣仲係度,有冇咁cute !
壓軸仲黎多個三色面,本身諗住已經非常之飽，真係唔想食,點知食咗啖之後完全停唔到口，因為實在太彈牙啦，比澳門嘅竹升麵更勝一籌！
總括而言，呢餐邊爐係非常難忘，靚景靚食物好服務，夫復何求!
2 浏览
0 赞好
0 留言
张贴
