四寶食堂 (已結業)

行完街諗住搵間茶餐廳食個普通嘅晚餐，見到四寶食堂好光鮮企理，而且好乾淨，所以一於試下。打開本餐牌，真係嚇一跳，超級多選擇，淨係小食都有廿款，有小菜（eg. 拔絲咕嚕黑豚肉)，有炒粉麵飯，又有西式(eg. All Day Breakfast, Egg Benedict, 未來漢堡，和牛漢堡，炸魚薯條，意大利粉)，連西式甜品都有。今晚試左過餐廳推介-喜哥蔥油豬扒煎蛋飯、拔絲咕嚕黑豚肉、牛板鍵、加10蚊要左個燉湯。個燉湯真材實料，加10蚊就有，必叫。蔥油豬扒上面蔥油勁多，對於我呢啲好鍾意食蔥嘅人啱曬，豬扒係厚身嘅，煎到啱啱好，仲好嫩滑，果然係必食推介。百幾蚊可以食到兩塊prime grade牛扒，冇嘢好投訴，而且真係做到5成熟，但如果可以厚切會更加加分。全晚最驚喜既係個拔絲咕嚕黑豚肉同埋蘋果批；個黑豚肉好有豬味，勁嫩，而且真係做到拔絲嘅效果，高質。最後叫咗個甜品，真係估唔到茶餐廳整個蘋果批比出面好多西餐廳做得仲好食，為呢一餐劃上完美句號！總括來說，食物質素真係好得，未食完已經諗緊下次要食啲乜嘢！