四寶食堂 (已搬遷) 新店位置

今日去炮台山，見到四寶飯堂排隊，即刻上openrice睇食評，見到好多哈哈笑，所以排埋一份。叫左個沙嗲牛肉公仔麵、炒滑蛋配芝士火腿牛角包、蝦仁炒蛋、中式牛柳粒、乳鴿。沙嗲牛夠淋，個汁好濃，有啲咸，撈埋個公仔麵好啲，我最最最怕公仔麵煮到爛晒、淋劈劈，呢度軟硬度剛好，係我鐘意嗰隻。滑蛋真係好滑，我覺得好食過澳X嘅滑蛋，推薦！蝦仁炒蛋嘅蝦仁都幾大隻，唔係平時茶餐廳嘅size，爽口彈牙，一碟70幾蚊，居然都有幾多蝦，好抵食。中式牛柳粒夠淋，食唔到有鬆肉粉嗰隻怪味，個汁有小小甜味，好開胃，我撈咗個汁去炒蛋度，估唔到都好夾，好好食。食開左個胃，所以最後加左個乳鴿。有驚喜，乳鴿外皮有焦香，內有肉汁，好食過好多酒樓，推介！