傑星冰廳

营业中

休息中

鮮蝦雲吞湯❤湯頭非常鮮甜豬骨味濃，每粒雲吞都包有一隻厚實彈牙既蝦同豬肉，粒粒都好飽滿，雲吞皮亦夠哂嫩滑同好薄，食起黎鮮味十足，每啖都超滿足。😋 豬潤湯❤性價比極高! 真係好大碗，塊塊豬潤都好大塊好厚，一黎到會睇到個湯底唔會有太多雜質，即係師傅事前功夫準備得好，食起黎好滑順Q彈，唔乾唔老唔柴，夠哂鮮嫩爽口，非常有飽足感。大推!🤤牛筋雞扒出前一丁加煎蛋❤先講佢個牛筋 越嚼越香而且豐富膠質令到個口感好正，必點! 雞扒因為香煎過，所以特別香口! 出前一丁亦唔會過淋 / 硬，煮到岩岩好~🥰油菜😌菜心配蠔油，大愛紅豆涼粉冰😋紅豆軟綿，涼粉軟滑得黎有D煙韌，最緊要椰汁飄香撲鼻，正呀