大澳德發 (已結業)

放題， 打邊爐， 再放題 無限loop. 真係想食下其他野。 走去左炮台山站， 見倒間茶餐廳是但入左去， 應該都係普通茶記掛， 試下先算。 一眼望倒個凍檸薏米水，夠晒涼浸浸。 跟住睇下餐牌， 見倒有d特色野， 叫黎試下先。西蘭花炒帶子。依？唔係茶記黎咩， 嘩， 好足料下啵。之前去酒樓食都冇咁多粒， 炒到岩岩好。 跟住黎左佢地介紹既招牌大澳菜之一。 脆豆腐拼墨魚餅。 上碟前真係認真咁乾晒油， 唔會有好油既感覺。 脆豆腐， 外熱內滾， 勁脆。墨魚餅好足料， 個皮好脆墨魚又彈牙！另一個招牌菜， 豆豉炒花甲王配煎米粉， 花甲真係大隻冇沙好夠味， 仲可以用埋d有花甲味既豆豉汁 撈埋d煎米粉食， 真係好特別， 一定要試下。 再黎係 脆皮鹹豬手。 本來覺得係普通料。 比我想像中既普通料好好多。 個皮又薄又脆， 豬手肉又嫩， 佢仲有碟， 我估係蜜糖芝麻醬俾你， 個味道真係非常配合倒。 真係估佢唔倒。最後要寫既， 脆脆龍躉球。 真係龍躉肉啵！ 魚肉好足， 炸皮又薄脆。 點解食倒真係龍躉呢？ 因為佢連魚皮一齊炸， 個魚皮又厚又彈牙， 有小小黏黏， 足料！真係原舊龍躉柳落去炸！仲加個粟米汁，真係非常好食。