老虎冰室

营业中

休息中

估唔到茶仔都有鮑魚食，呢間冰室真係好有特色呀！二世祖撈丁勁浮誇，呢啲平時酒樓食嘅野喺老虎冰室都有，鮑汁撈麵底再加一隻鮑魚兩隻冬菇三隻帶子，鮑魚同冬菇都幾厚肉。老虎乸辣雞翼其實係瑞士雞翼再加秘製辣粉，雞翼好入味，如果怕辣將隻雞翼浸番落啲瑞士汁度就可以減辣，一雞兩食。鰻魚滑蛋炸熱狗炸過嘅熱狗包好脆口，上面嘅滑蛋同鰻魚甜甜地，條鰻魚都好肥美，第一次食呢種配搭，好有驚喜。另外仲叫左兩款小菜，拔絲咕嚕肉超正，脆得嚟個汁味道又啱啱好，欖菜肉鬆四季豆都唔錯，濃味啲更好。小菜仲有跟埋老火湯同白飯，幾抵食。