麗姐廚房

营业中

休息中

舊同事聚餐，選擇咗地點方便而且健康嘅素食餐廳。餐廳主打中午飯，晚飯比較少人，今晚大概只有三、四枱客。炸藕餅：外皮香脆，不過餡料就唔似蓮藕，比較綿。蘿蔔炆羊腩：像真度非常高，''羊腩'' 口感真實，調味香濃，味道好。回鍋肉：偏甜無辣味。''肥肉''有啫喱部份，不過''瘦肉''就似午餐肉。黑醋咕嚕肉：醋香味足，酸中帶甜，非常醒胃。''肉''有真實感。雜菜粉絲煲、椒鹽豆腐：正常素食店會出現嘅菜式。味道比較清淡。今次新體驗令我知道素食好可以好多變化，唔係淡茂茂。