鴻星中菜 (形點) (已結業)

一行九人約食飯...唔係朋友話要book呢度真係唔知呢度有間鴻星...我地訂o左檯...所以去到唔駛等位...估唔到都俾想像中多人wor~我地入到去一望...呢間鴻星o既裝修唔似係中菜lor...似cafe多d...因為我地要等朋友...所以坐o左好耐先落order...店員都無催我地...我地最後叫o左個漁港風情6人餐...8折$1500...好似幾抵...再加o左兩個小菜同一個石鍋飯...等o左一陣...有6大碗o野上檯...原來係餐入面o既前菜ja!!! 仲要樣樣都熱辣辣好好味~ 之後o既主菜有雞同魚湯都忘記o左影~個魚湯真係好足料!!! 值得試~ 仲有咸魚蒸方利真係好滑~ 而且出面少食到~ 蠔仔銀針粉因為無晒銀針粉轉o左米線...但係都好好味~主要係個湯底真係好濃o既魚湯~ 仲有好多配料~ 正~ 另外加o既順德煎小排骨好香口又入味!!! 仲有個帶子石鍋飯真係好正!!! d飯一粒粒好分明!!! 總之樣樣味道都唔錯~ 而且份量都ok~ 最後o既紅豆沙都係熱辣辣又起沙~ 大家都覺得好滿足~