摩登士丹里 (已結業)

而家啲珍珠奶茶開到成行成市, 真係覺得越飲越悶, 本身我住元朗嘅. 週不時搭巴士都見到呢一間士丹里, 今日終於走咗去試下飲. 見佢個餐牌冇乜嘢奶蓋乜嘢芝士嗰啲珍珠奶茶, 反而佢杯士丹利珍珠奶茶就寫到明係非一般嘅珍珠. 所以忍唔住買番杯試下, 價錢就比出面嘅珍珠奶茶貴少少. 佢間舖嘅裝修都ok 側邊會有一個企位枱可以畀你去嘢飲或者食芋圓, 但係人流就唔算多. 杯奶茶飲落去類似係港式奶茶加淡奶嗰隻, 珍珠真係非一般感彈口, 有新鮮感! 值得推介! 但係唔知係咪太彈口嘅關係, 我自己飲完又有少少個胃唔舒服. 但係總體嚟講都值得一飲