正宗水上人蒸氣鍋專門店 (已結業)

小妹平時食海鮮通常都係炒比較多 貪佢野味 不過有朋友介紹依間食蒸海鮮 都好有興趣試一試 我地今次兩個人食到飽一飽 重要打埋包 都係一千唔到 價錢絕對係合理范圍之內 而我同朋友好似大鄉里出城咁對個蒸鍋好好奇 又不停咁問啲氣係點出黎 搞到食既過程充滿趣味黃油蟹咁岩做特價 我地當然一人一隻啦 蟹上枱果時非常生猛 不停動來動去 而蒸熟左既蟹裹面有好多膏 非常鮮甜 我地重叫左胭脂蚌 蚌好大隻 有我半個拳頭咁大 雖然蒸熟左既外表普普通通 不過食落一啲都唔普通 因為實在係太新鮮 蚌肉非常彈牙 絕對唔係一般街市所賣既海鮮可比另外重有龍皇海鮮粥 真係用大大隻龍蝦去煲粥 而且依間鋪頭係用茶去煲 真係令小妹大開眼界 粥不但有龍蝦既鮮味 重有好香既茶味 令到我都食左兩碗 不過煲粥真係好大煲 而且本身我地已經有啲飽 所以最後都打包左返去屋企再食另外不得不讚這餐廳既服務 佢地服務不但周到而且有禮 會主動協助換碟和餐具 又會細心講解食法 令到這餐廳打分不少