一茶詞 (已結業)

由於呢一間新開嘅飲品店鋪係我工作範圍附近，比我嘅午飯時間就可以落去幫襯一下啦，有陣時真係無胃口食嘢嘅時候我會飲杯飲品就當午餐，今日試吓呢間新開嘅店舖，果然帶比我驚喜！佢哋嘅選擇有好多，同一般嘅珍珠奶茶店不能而且樣樣野都好靚，應該就係港女嘅打卡好地方，佢唔係買一般嘅珍珠奶茶，裏面都有一啲健康嘅元素飲品！價錢亦都好合理！我同我同事叫咗兩杯飲品，第一杯就係烤棉花波波茶，另一杯就係黑糖珍珠鮮奶!我同事喜歡這裏可以選擇甜度以及多少冰，而且佢哋嘅珍珠夠晒大粒又有口感，用黑糖會比較甜一點，但係比起用普通糖更加有層次！👍呢杯烤棉花波波茶都幾特別架，係個冬天嘅日子，飲番杯甜甜地暖粒粒，突然間覺得好有少女感覺，其實我平時燒烤都好鍾意食烤棉花糖，今次可以飲到呢杯飲品充滿咗好多棉花糖真係好窩心呀！佢裏面嘅紅茶味好濃，比起一般嘅芝士奶蓋，改咗用棉花糖作為奶蓋就更加特別啦！