岩鹽日本料理 (利舞臺廣場) (已結業)

首先叫咗個溫泉蛋蟹肉胡麻沙律、豆腐，無諗過咁好食，我覺得依個菜好出色，溫泉蛋都好滑！我地擺咗係個醬油碟度，再食，所以就唔會整爛咗食唔到。我勁中意食玉子，發現佢個芝士玉子都燒好正，不過一定要趁熱辣辣果時食，啲芝士好似拉絲咁，個玉子都係熱，同平時食壽司果啲好唔同。原來個內雜煲有勁多餸，有豬皮、豬肚、紅蘿蔔、冬菇、蒟蒻、豬大腸。個湯好清甜好好飲，加上啲豬皮同豬肚煲到好入味，就算本身我唔係好食豬肚，我都覺得好好食，係咁飲果個湯！之後我地叫咗雞腎、鴨大蔥串燒，都好好食！最後，三文魚親子釜飯，其實係類似茶飯，可以倒啲茶落個飯度食，點知都幾特別。佢仲比咗個漏斗我地計時，我諗係啲沙落哂去下面就可以打開個三文魚飯🤣好fun我同朋友一人叫咗一杯野飲：柚子生薑蜜同埋菠蘿青檸梳打。