茶東西

营业中

休息中

非一般茶記平時去茶餐廳，可能都只係預期叫乾炒牛河之類嘅食物。「茶東西」就完全唔同。佢哋個menu有齊中西fusion菜式，而且賣相都幾精緻。所以就就一於入去試試。我哋首先叫左個香草白酒忌廉煮藍青口。白酒忌廉汁配青口一直都係我最喜歡嘅配搭，而呢度我嘅水準亦都冇令我失望。藍青口味道非常新鮮，而呢個價錢同份量來講，真係物超所值。值得一讚嘅係佢哋嘅酸種麵包，一般都唔會expect係普通茶餐廳或者Cafe食到，真係一個意外驚喜。另外值得一讚嘅係呢度嘅裝修。用咗白色作為主調，加入一啲可愛嘅卡通作為點綴，非常簡潔精神。無論去食飯定係同朋友傾吓計飲杯嘢，都坐得非常舒服，絕對值得加分。如果想搵間價格適中，食物質素幾好，而又坐得舒服嘅餐廳食餐飯，呢度真係值得推薦。