漁一海鮮火鍋料理 (已搬遷) 新店位置

少有坐得舒服，空間感又大的地道打邊爐！店內大部分的坐位都係卡位，當然仲有大枱啦，好適合一班三五知己慢慢打邊爐吹下水。係openrice見到新開張期間有68折，都抵食。湯底好多大約有二十個選擇，重口味之選當然係沙嗲湯底啦，呢間鋪頭係用牛骨沙嗲湯，味道好濃郁，花生味好香，唔係好洗用豉油都夠味，超正。打邊爐識食一定係食腐皮，腐皮吸晒成個湯底嘅汁，冇得輸。另外叫咗一碟頂級手切安格斯肥牛。肥牛有分大size同細size，其實六八折左之後其實大size同細size價錢分別唔係好大，牛摩就梗係揀大size啦。最推薦係爆汁和牛牛丸，牛味勁重，爽口彈牙。另外仲叫咗個日式蟹膏豬肉丸，建議大家唔好煮咁耐，因為豬肉丸會爆開，流晒中間嘅蟹膏出嚟架。韭菜餃d餡勁多，皮又薄，打邊爐真係好少見到啲咁足料嘅韭菜餃，完全冇鹼水味，細食嘅我食兩三隻其實已經好夠。