川燒 (已結業)

難得星期五，疫情又好轉，一定要出街食好嘢調節下心情😂男朋友帶咗我嚟呢間串燒店食嘢發洩👻真係好耐都冇食過咁好味嘅串燒啦，點嘅每樣食物都好高質，放入口係會有驚艷嘅感覺🥳另外餐廳雖然地方唔係話好大，但裝修佈置得非常之有心思❤️秘製醬燒麻辣鴨舌，呢隻麻辣味唔會話太過搶喉，完全係好滋味！鴨舌嘅質感彈性得來有趙口👍🏻野椒汁燒牛小排，肉質鮮嫩，牛肉味好重，而且熟成程度啱啱好，好靚嘅粉紅色，配埋嗰隻秘製醬汁，yummy!!!!佢仲配有薯角添🤤炸日本河蝦，酥脆到不得了，河蝦仲要勁有鮮味！不過炸得太脆，食嘅時候要小心😊