影片
更多
2021-11-21
74 浏览
今次唔食日本菜，黎到銅鑼灣食西餐~呢間「Grappa's Cellar」唔只有得食，仲有駐場DJ播放唔同風格既音樂，食客可以一邊享受食物，一邊聽住音樂同摸下酒杯底。最近佢地仲出左個4小時豪華套餐（$498），套餐包括自助區任食既Starter、Pizza同甜品，另外可以自選主菜同埋有唔同既酒類任飲，包括Cocktail 、Wine同啤酒。最重要係可以食4個鐘，可以慢慢飲下野食下小食，唔使趕頭趕命驚食唔切。食物方面，自助區既小食種類都唔少，淨係Cold Cut都有3款，另外仲有原隻火腿即場切片。另外仲有各款焗菜同沙律配菜等等。想飽肚d既仲有2款Pizza可以揀，呢度既Pizza係餅底係較薄而且脆卜卜既，好岩我口味。主菜方面選擇都幾多，由意大利粉、扒類甚至海鮮都有，但有d菜式因為份量較大，係需要2～3人甚至4人先可以點一道，點菜時需要留意下。今次主菜我地點左milanese orecchio di elefante（2人用），意大利文原文照譯係米蘭象耳既解，相信同佢既外形有關。做法係將牛或者豬扒用木槌打到有咁薄得咁薄，之後再沾蛋漿同麵包糠去炸。而今次餐廳用既係牛扒，食落外層脆卜卜，肉質比豬
最近佢地仲出左個4小時豪華套餐（$498），套餐包括自助區任食既Starter、Pizza同甜品，另外可以自選主菜同埋有唔同既酒類任飲，包括Cocktail 、Wine同啤酒。最重要係可以食4個鐘，可以慢慢飲下野食下小食，唔使趕頭趕命驚食唔切。
食物方面，自助區既小食種類都唔少，淨係Cold Cut都有3款，另外仲有原隻火腿即場切片。另外仲有各款焗菜同沙律配菜等等。想飽肚d既仲有2款Pizza可以揀，呢度既Pizza係餅底係較薄而且脆卜卜既，好岩我口味。
主菜方面選擇都幾多，由意大利粉、扒類甚至海鮮都有，但有d菜式因為份量較大，係需要2～3人甚至4人先可以點一道，點菜時需要留意下。
今次主菜我地點左milanese orecchio di elefante（2人用），意大利文原文照譯係米蘭象耳既解，相信同佢既外形有關。做法係將牛或者豬扒用木槌打到有咁薄得咁薄，之後再沾蛋漿同麵包糠去炸。而今次餐廳用既係牛扒，食落外層脆卜卜，肉質比豬扒更淋，而且份量都唔少，雖然係2個人分，但食完都飽左一半。
餐酒方面今次點左Sangria，酒味唔算太濃，而且有好多生果係入面，好易入口，飲多幾杯都唔會醉
甜品方面今次係自助區既Tiramisu。咖啡味幾香 ，甜度適中，而且酒味唔太濃，大人細路都岩食
张贴
