影片
更多
2017-01-04
4367 浏览
平時經過這店一啲都唔覺得似‘放題店，以為是燒肉或高級日本料理。 直至揾冬至晚飯才知道。。。因今年得我同媽媽食過冬至，佢唔想食中餐，俾佢選了幾間，佢點了呢間。 店內裝修很和風，大部份以木為牆的建築材料，而且幾寬敞，有啲位仲有一個個包相咁， 空間感高。 因為做節，都唔介意加錢食埋日本燒烤，燒烤有幾款，我認為係和牛最好味，尤其煮到半生熟嗰時， 邊位香香帶微脆，裏面又夠嫩， 有少許油份既味道。而媽媽較喜歡豬肉， 佢話幾新鮮，肉質夠實，又唔重調味料，食到肉既鮮味。 有很多飲品，當中最重點既係楊枝甘露同荔枝玉露！ 第一次見放題店有， 平時十幾蚊細細枝，響7仔都未買過嚟飲，呢家任飲，楊枝甘露迷千祈唔好錯過！裏面有很多芒果粒(唔細粒的)同埋柚子等，好豐富。另外，清酒都係任飲的，仲要係自由添！ 刺身種類多，成兩張紙既選擇，除了有必點三文魚，吞拿魚，油甘魚，赤蝦等仲有少有的白玉豚，少少甜，好柔軟，有啲甘，不停encore。不過有一點唔明既係每一次點刺身，都有啲白色既螺肉跟埋，明明無點，俾左咁多次我，無食的話，係我浪費定係你浪費呢？ 另外有很多創作壽司，配搭創新，用
平時經過這店一啲都唔覺得似‘放題店，以為是燒肉或高級日本料理。 直至揾冬至晚飯才知道。。。因今年得我同媽媽食過冬至，佢唔想食中餐，俾佢選了幾間，佢點了呢間。 店內裝修很和風，大部份以木為牆的建築材料，而且幾寬敞，有啲位仲有一個個包相咁， 空間感高。
因為做節，都唔介意加錢食埋日本燒烤，燒烤有幾款，我認為係和牛最好味，尤其煮到半生熟嗰時， 邊位香香帶微脆，裏面又夠嫩， 有少許油份既味道。而媽媽較喜歡豬肉， 佢話幾新鮮，肉質夠實，又唔重調味料，食到肉既鮮味。
有很多飲品，當中最重點既係楊枝甘露同荔枝玉露！ 第一次見放題店有， 平時十幾蚊細細枝，響7仔都未買過嚟飲，呢家任飲，楊枝甘露迷千祈唔好錯過！裏面有很多芒果粒(唔細粒的)同埋柚子等，好豐富。另外，清酒都係任飲的，仲要係自由添！
刺身種類多，成兩張紙既選擇，除了有必點三文魚，吞拿魚，油甘魚，赤蝦等仲有少有的白玉豚，少少甜，好柔軟，有啲甘，不停encore。不過有一點唔明既係每一次點刺身，都有啲白色既螺肉跟埋，明明無點，俾左咁多次我，無食的話，係我浪費定係你浪費呢？
另外有很多創作壽司，配搭創新，用料新鮮，飯既份量都少，試多幾款都唔會很飽。愛海膽既朋友就唔好錯過海膽花之戀同海膽手卷了，呢度海膽一啲都唔鯹。
甜品除了甜品櫃的各種迷你糕點同蛋糕外，更有哈根大師同Movenpick 雪糕任食！ 回本時間又到了wakaka XD,每隻都有三款口味俾我揀，大飽口福！
张贴
