牛舞日本燒肉‧涮涮鍋放題 (1亞太中心) (已結業)

同姊妹二人相約食燒肉，難得見面當然食一間高質嘅燒肉。依家間就合晒心意，不單止有燒肉，仲有打邊爐同埋熱食。我哋食呢個套餐仲包埋清酒同啤酒，牛肉就係薩摩牛。見到佢嘅燒肉全部都好靚仔，仲有唔同嘅海鮮，甲羅燒都有。全部都係任食㗎刺身水準都唔錯，帶子刺身大大粒，吞拿魚同三文魚都不錯。火鍋材料種類多，全部喺出邊自助形式可以拎得到，肉類就可以經由QR code下單。薩摩牛肉，係來自鹿兒島。牛肉味道濃郁，油花平均，厚薄適中。 難得任食，當然要大啖大啖咁食。甜品種類選擇多，有我喜歡嘅角十捧，仲有嗰隻紅豆煉奶雪條。