影片
更多
2015-01-29
1124 浏览
同啲人去拍拖，唔知食咩好，就索性响我哋個'想試餐廳list'裡面搵間平平地嘅醫肚。薩利亞餐廳on list 嘅原因係: 1.日式意大利餐，日本嘅'西嘢'係獨門一派，與別不同，2. 超平，平到你唔信，最貴個鐵板羊扒餐都只係69蚊，有四件lamb chops, 問你死未?連禮拜日下晝五點都可以full house嘅餐廳都應該有啲料到，等咗三分鐘就有得坐。餐牌圖文並茂，多嘢揀唔在講，價錢先得人驚。點先?! 鐵板黑椒漢堡扒，有煎蛋薯菜，31蚊，仲平過大家樂，要白飯加4蚊，嘢飲12蚊任斟，邊度搵!?㩒鐘仔，落咗單，出水吧，揀嘢飲。唔好以為12蚊淨係俾例牌汽水咖啡茶，除此之外，拿鐵，美祿，冰茶，各式果茶茶包都有，無限量添飲，淨係每樣飲一杯都飲到打烊。正响我哋惆悵緊飲咩嘅時候，頭盤就已經上枱，距離落單不上三分鐘。粟米忌廉湯$10，一碟金黃色嘅汁上有一圈隨意嘅忌廉，實而不華，入口香滑，有微顆粒，口感似冇隔渣嘅粟米汁。味道香濃，但有種莫名其妙嘅感覺，勾起童年回憶。佢有啲似金寶湯，但又冇咁味精，真亦假時假亦真。豚肉生薑沙律$22，呢樣就冇得假啦掛，蔬菜新鮮爽脆，隻碟都凍到可以冰鎮沙律，高招! 好明顯係預早
連禮拜日下晝五點都可以full house嘅餐廳都應該有啲料到，等咗三分鐘就有得坐。餐牌圖文並茂，多嘢揀唔在講，價錢先得人驚。點先?! 鐵板黑椒漢堡扒，有煎蛋薯菜，31蚊，仲平過大家樂，要白飯加4蚊，嘢飲12蚊任斟，邊度搵!?
㩒鐘仔，落咗單，出水吧，揀嘢飲。唔好以為12蚊淨係俾例牌汽水咖啡茶，除此之外，拿鐵，美祿，冰茶，各式果茶茶包都有，無限量添飲，淨係每樣飲一杯都飲到打烊。正响我哋惆悵緊飲咩嘅時候，頭盤就已經上枱，距離落單不上三分鐘。
粟米忌廉湯
$10
90 浏览
0 赞好
0 留言
豚肉生薑沙律
$22
56 浏览
0 赞好
0 留言
水牛芝士蕃茄
$17
144 浏览
1 赞好
0 留言
芝心三文魚塊
$19
91 浏览
0 赞好
0 留言
香草焗田螺
$24
108 浏览
0 赞好
0 留言
肉醬多莉亞
$25
61 浏览
0 赞好
0 留言
鐵板黑椒漢堡
$31
56 浏览
0 赞好
0 留言
食後感: 好好笑，有啲唔知點，話佢難食就一定唔會，味道其實都Ok，感覺似加工食品，但唔代表佢唔好食，反而仲有親切感。價錢真係超平，响度食野唔係講服務，格調，係純粹滿足個人對comfort food 嘅慾望，係小學生喜愛嘅味道。實質啲形容就好似响酒樓食緊佳寶賣嘅急凍點心，有味精，有添加，但依然係即叫即蒸。你明知係冇廚藝可言，明知未係真材實料，但依然食得津津有味。在於價錢，感覺，食味，I'll be back.
张贴
