村爺爺車仔麵 (已搬遷) 新店位置

聽講村爺爺一直出名龍蝦湯，今日係油麻地就試下見到門面好多人，原來呢間車仔麵分叫餐同散叫餐牌選擇好多，配搭都有好多。仲有個豪華餐，有龍蝦，仲可以揀伊麵定係油麵。叫左A餐殿，特濃龍蝦湯撈伊麵，揀咗牛筋牛腩牛柏葉，仲有碟時菜揀。有半隻波士頓龍蝦，會俾埋龍蝦鉗你開，撈麵嘅話龍蝦湯會分開上。湯底好濃，好香濃既龍蝦味，唔會太咸，如果無麵成碗湯飲都無問題。 雖然半隻龍蝦，但已經成個碗都放吾晒，好大隻，仲有好多膏，d膏好重龍蝦味，而肉都好實好多肉，啖啖肉。肉質好實好爽口，好厚肉，好多膏。隻龍蝦有一隻手掌咁長，有籽。幾十蚊有咁大隻龍蝦，好滿足。另外估唔到配料都會醃得咁好，牛腩肉好淋，醃得好入味。 牛柏葉好爽口。配料都做得好好。另外叫左個C極上，特濃龍蝦湯伊麵。前菜有黑毛豬蘆筍卷，黑毛豬肉味好濃，配埋芝麻汁，爽口非常夾。同樣可以揀三個配料，我揀咗豬紅雞翼牛肚，三個配料都好味。豬紅咬落去，唔會碎。再者，加$6有得加炸響鈴或者魚皮，兩樣都有加，魚皮成大碗脆好食，仲有紙包嘢飲。整體來講，車仔麵有伊麵食真係好特別，加上用龍蝦依個配搭好有創意，而且品質又好龍蝦又大隻，配料入味。