影片
更多
2022-04-15
201 浏览
山長水遠連續兩日入元朗國，兩日夾埋排左三個幾鐘就係為食呢個傳聞中讚口不絕，又有街坊話見到日日排晒長龍都無機會食到嘅刈包，小店背景唔多介紹，網上亦已經好多分享。因為噚日預計時間出左少少錯誤，排左個半鐘到自己嘅時候竟然話賣晒，心有不甘下今日11點去到排隊，但都只可以排到第二，到12點已經超過30人排隊。小店每日開12點半(星期一例休)，到開店時條老板仲出嚟同客人講今日天氣比較熱，排隊尾嘅客人可能都要等兩三個鐘，真係不得了，一個包嘅魔力可以咁犀利，不過食完後我都可以講話排兩個鐘都係值得嘅。倆口小吃嘅名物係每日新鮮制作嘅刈包，刈包亦有幾款唔同口味，除左刈包聽聞佢哋嘅壓餅同其他小食都好好食，但肚只有一個，唯有留下次再試，今日買左一個傳統刈包加柚子醬，一個台灣腸刈包，本來小店外面都有一小張木板枱可以放底食，但人龍實在太多人，唔太方便企喺度食，咁就去附近個公園仔食。雖然係外賣，但賣相同包裝都做得好好，食嘅時候都好方便易食，第一個先試傳統味道，有鹵肉有芫荽，酸菜同花生碎，個包暖笠笠好軟熟，除左軟熟仲有一份煙韌口感，好好食，鹵肉肥瘦適中，因為配合柚子醬所以一啲都唔覺肥膩仲好開胃，加上酸菜同幼細花生碎越食
因為噚日預計時間出左少少錯誤，排左個半鐘到自己嘅時候竟然話賣晒，心有不甘下今日11點去到排隊，但都只可以排到第二，到12點已經超過30人排隊。小店每日開12點半(星期一例休)，到開店時條老板仲出嚟同客人講今日天氣比較熱，排隊尾嘅客人可能都要等兩三個鐘，真係不得了，一個包嘅魔力可以咁犀利，不過食完後我都可以講話排兩個鐘都係值得嘅。
倆口小吃嘅名物係每日新鮮制作嘅刈包，刈包亦有幾款唔同口味，除左刈包聽聞佢哋嘅壓餅同其他小食都好好食，但肚只有一個，唯有留下次再試，今日買左一個傳統刈包加柚子醬，一個台灣腸刈包，本來小店外面都有一小張木板枱可以放底食，但人龍實在太多人，唔太方便企喺度食，咁就去附近個公園仔食。
雖然係外賣，但賣相同包裝都做得好好，食嘅時候都好方便易食，第一個先試傳統味道，有鹵肉有芫荽，酸菜同花生碎，個包暖笠笠好軟熟，除左軟熟仲有一份煙韌口感，好好食，鹵肉肥瘦適中，因為配合柚子醬所以一啲都唔覺肥膩仲好開胃，加上酸菜同幼細花生碎越食越想食，好在仲有一個台灣腸，呢款台灣香腸刈包配料有菜甫有青瓜絲葱絲配蒜味醬，台灣腸切片後預先會撈好醬汁，配上菜甫青瓜絲有一份好清爽口感，兩個口味我個人比較喜歡傳統口味，下次要再早啲入嚟排第一，試其他口味刈包同壓餅。
💛小店加油💛
张贴
