夜燒站

位於荃灣邊垂地帶o既串燒居酒屋，就算唔係開o係好熱鬧o既地段，一樣有佢o既吸引力。未點o野食之前，已經欣賞到餐廳d 貼心細位，好似有俾客人裝背囊o既籃、檯上裝骨/棄置竹籤o既兜，仲有一來到已免費附送o既沙律前菜。

唔同一般o既串燒店，佢唔會o係燒o既時候已瀋滿孜然粉，以濃味蓋過一切，反而會保留食物原有o既味道，而檯上都有鹽、辣椒粉、七味粉同日本胡椒俾你再調味。

前菜沙律

百福花($14 無加一) 原來即係椰菜花，也許看似係普通o野，但食落口幾juicy，有d 意外～芝士流心蛋大啡菇($28) 有住足料芝士，好濃o既芝士，燒至微燶再加上流心蛋o既蛋黃口感，簡直係正！

百福花 ($14)

芝士流心蛋大啡菇 ($28)

豬肉荔枝卷($26) 同豚肉雞蛋卷($24) 都係用豬肉片包住一d o野，特別想讚前者，估唔到同荔枝一齊拼搭，咬落去增添一點酸甜，個chemistry 又幾夾。

(後) 豚肉雞蛋卷($24)，(前) 豬肉荔枝卷 ($26)

月見免治雞肉軟骨棒($32) 係浸o係醬油同生雞蛋入面，攪拌後蘸o黎食，成個package 感覺好地道！口感有d 似漢堡扒不過係雞肉，當中會咬到粒粒軟骨。不過如果想蘸多d 生雞蛋個汁就會偏鹹，如果少番d 醬油overall 個比例會更佳！

月見免治雞肉軟骨棒 ($32)

明太子雞翼($22) 好香口呀，口味本身帶辣。日式燒豆腐($14) 外面鋪滿飛下飛下o既木魚碎；另外飯團原來都可以燒，櫻花蝦飯團($25) 外層被燒至脆脆的，愛飯焦o既人必試～

明太子雞翼 ($22)

日式燒豆腐 ($14)

櫻花蝦飯團 ($25)

叫埋下火o野飲(夏枯草/竹蔗茅根，$15)，等自己無咁熱氣先。我見menu 仲有燒雞子同田雞可以叫，都幾冷門，有興趣o既都可以試下。

夏枯草 ($15)

食物