紅茶館 (已結業)

今晚同家人來這兒慶祝爸媽結婚周年紀念,第一次來到,感覺唔錯,環境簡單而又舒服,雖然餐廳唔係好大,不過都幾靜,幾浪漫.我地三個人叫了三個紅茶館庭苑特餐,頭盤有脆炸金文不芝士,湯我地選擇了紅茶什菜湯配蒜茸法包,主菜分別是黃金炸蟹鉗配俄羅斯薯仔沙律,挪威青口天使麵,巴西燒雞扒配淡咖哩忌廉汁再配飯,仲有凍飲同埋細細杯甜品芒果布甸.脆炸芝士好香,好好食;個湯幾濃,幾好飲;燒雞扒d皮好脆,不過味就淡d,都ok;杯飲品好大杯,飲唔晒;個甜品好食,不過太細杯了!其他的沒有試,不過聽講味道都ok!三個人食飽飽,都只係$154,因為即時入會有87.5折,所以平咗成差不多$20.好抵食!