5% Cafe

营业中

休息中

有一日朋友約咗我想傾吓計食下野飲吓嘢咁樣，所以我哋就即刻諗起揀一間環境好好，靜靜地，又坐得舒服嘅餐廳，當然係Cafe啦，所以就嚟咗呢間新開嘅及非試吓佢，上到黎之後都見到有三至四台客人，唔算好多，但係咁樣嘅話就唔會好嘈，坐低之後睇完Menu就叫咗一個5%黑椒手打牛肉芝士漢堡配薯條，同埋一個芝士鮮茄焗肉醬意粉，先講下牛肉漢堡，因為應該係店家自己手打嘅關係，所以牛肉好鬆軟，好林身，好好味，你到嘅時候熱辣辣，再配埋少少黑椒味辣辣地就更加開胃，我拎埋個先茄肉醬意粉同出邊嘅有唔同，佢唔會有一大Pat肉醬係啲意粉上邊，而係有一對番茄醬嘅肉粒同肉碎再加埋少少芝士粉鋪左係意粉上邊，所以入口唔會話好濕，而意粉嘅軟硬度亦都唔會太林，所以整體入口好爽身，幾好味，最後因為跟餐可以有一杯$40以下嘅飲品，而我地亦都睇中左一啲特色飲品，只需要補返差價就可以，所以我哋叫咗一杯凍嘅榛子朱古力同一杯凍嘅薄荷朱古力，榛子朱古力味道好濃郁，好香朱古力味，而另外一杯薄荷朱古力就略嫌薄荷味唔夠重，入口就好似純粹只係一杯朱古力咁樣，不過不失。