石一燒 (九龍城) (已結業)

同老公二人世界，book左呢間晚餐。book定枱沙律會變做海葡萄(唔知而家仲有冇)，聽講係super food，好有益。前菜已經咁大碟，好開心🥹大家一人一碗櫻花蝦湯，好鮮甜，係略嫌少少咸。之後上小食3款，有炸甜薯，中華沙律同蜆肉，我覺得正常～炸甜薯外脆內軟好好食。之後上肉，菇同菜，店員細心講解食邊個部位先。燒肉肥瘦適中，肉質香口。發現兩邊略燒，中間粉紅最為好食。咁嘅份量已經食到飽晒，最尾仲有一個甜品，係自己加水溝嘅抹茶汁，倒落雪糕食。幾有趣。總結就係份量足，牛肉好食，會有一兩舊特別肥，但整體都ok。環境坐得舒服，但可能比任食牛黎講會貴少少，但都值得。