INN - I’m Not Nothing (裕民坊YM²)

营业中

休息中

适逢假期约朋友tea一tea，当然要揾间又靓又坐得舒服嘅餐厅relax下。知道裕民坊2楼有间叫‘I 'm not nothing" 几有宫廷式格调嘅西餐厅好似又靓又好食可以试下。餐厅分左indoor 同outdoor区。我哋被安排坐outdoor，今日天气还算凉凉地都几舒服。最开心见到menu有全日早餐，份早餐卖相鲜艳见到已胃口大开份量亦相当十足，有牛油果、蕃茄、什菌、沙律菜、烟肉、多士仲有德国白肉肠。食材够晒新鲜，丰富嘅早餐再加上宫廷式环境感觉自己去左外国渡假一样，好chill好有幸福感。是日餐汤系忌廉磨菇汤，磨菇味道浓郁好creamy，又够热好好饮另外点左个牛油煎广岛蚝鲜蚝汁意大利饭，有3只好肥美蚝，煎到黄金色外脆但内里仍嫩滑，不会过熟，蚝汁渗透意大利饭好美味，超水准