影片
更多
2025-03-08
748 浏览
今日真漢子為大家介紹一間有好多素食選擇嘅 cafe "Home A Day"，上環地鐵站 E1 出口一出就係，非常易搵。😊有幾多素嘢食先？泰式，日式，中式，西式都有，素食 all day 就基本啦，仲有 pizza，沙律，漢堡包，poke bowl，甚至喇沙都有，確係勁。👍🏻素食餐牌中見到兩個 vegan choices 喎，就試哂你哋啦：🍜 新肉丸豆卜喇沙 $118個湯好濃好好味，感覺幾正宗。有辣度，但唔會辣到食唔到。米線煮得夠淋所以好索湯，同埋份量勁多，通常 cafe 嘢食啲份量都偏少，但我勁肚餓咁入去都食剩少少米線，雖然係咁都 keep 住飲埋啲湯，因為太好味。😂新肉丸我第一次食，好高質，食落唔會成啖粉咁，同埋佢哋煎過肉丸表面，所以微脆好香口，而且肉丸味道同個喇沙湯出奇地夾，彷彿佢係為呢個菜式而生咁。👩❤️💋👨配料仲有豆卜，芽菜，少少韭菜。佢哋附送咗半隻蛋，如果唔食嘅朋友記得落單時講明。📝🍔 新牛肉素芝士漢堡配炸薯條 $138 （2:30pm 後供應）作為一個 foodie ，通常都係影相嘅時間耐過食，所以食到熱嘢嘅情況唔多。但真漢子影飽相放低相機，拎起個包食果陣，塊素漢堡扒
有幾多素嘢食先？泰式，日式，中式，西式都有，素食 all day 就基本啦，仲有 pizza，沙律，漢堡包，poke bowl，甚至喇沙都有，確係勁。👍🏻
素食餐牌中見到兩個 vegan choices 喎，就試哂你哋啦：
🍜 新肉丸豆卜喇沙 $118
新肉丸豆卜喇沙
$118
68 浏览
0 赞好
0 留言
個湯好濃好好味，感覺幾正宗。有辣度，但唔會辣到食唔到。米線煮得夠淋所以好索湯，同埋份量勁多，通常 cafe 嘢食啲份量都偏少，但我勁肚餓咁入去都食剩少少米線，雖然係咁都 keep 住飲埋啲湯，因為太好味。😂
新肉丸我第一次食，好高質，食落唔會成啖粉咁，同埋佢哋煎過肉丸表面，所以微脆好香口，而且肉丸味道同個喇沙湯出奇地夾，彷彿佢係為呢個菜式而生咁。👩❤️💋👨
配料仲有豆卜，芽菜，少少韭菜。佢哋附送咗半隻蛋，如果唔食嘅朋友記得落單時講明。📝
🍔 新牛肉素芝士漢堡配炸薯條 $138 （2:30pm 後供應）
新牛肉素芝士漢堡配炸薯條
$138
47 浏览
0 赞好
0 留言
作為一個 foodie ，通常都係影相嘅時間耐過食，所以食到熱嘢嘅情況唔多。但真漢子影飽相放低相機，拎起個包食果陣，塊素漢堡扒竟然熱到辣親條脷，都幾癲。😂
Omni 嘅新牛堡唔使多介紹啦，牛味濃又 juicy ，好耐冇食過喇，遲啲買嚟自己整先。素芝士賣相唔算好吸引，少少膠膠哋，但食落竟然有濃濃嘅芝士味喎，都相當唔錯。😋 薯條係幼身的，而家比較少餐廳食到，幾有特色。
個麵包烘得好脆，食落都仲係熱辣辣。雖然好好食，但呢隻麵包照計應該唔係 vegan 喎。🤔
我問返負責人，佢哋了解過之後都表示麵包並非 vegan ，因為始終唔係專做素食可能未能做到最完善。其實真漢子佢哋覺得會用素芝士，已經非常有誠意，贏咗 99% 嘅餐廳 👏🏻。我記得 D2 Place 嘅 FOODBOX 可以將漢堡麵包轉做麥包，或者都可以參考吓加返呢個選項呢。☺️
飲品分別試咗 cold brew $62 同無處不在嘅開心果 latte $52 (轉燕麥奶加 $6)。後者只係燕麥奶加咗啲開心果碎，唔算好驚艷。不過原版係有 cream 的，店員知道轉燕麥奶之後問使唔使走埋 cream，呢點 Starbucks 都做唔到啊，好細心。🥰
Cold brew
$62
0 浏览
0 赞好
0 留言
開心果 latte
$52
10 浏览
0 赞好
0 留言
除咗食物質素高，好鍾意呢度環境好靚好舒服，地方闊落，店員態度又友善，非常推介。💯
张贴
