Beefar's 鹿兒島燒肉

营业中

休息中

之前已經光顧過數次，主打食鹿兒島燒肉，位置方便就在尖沙咀港鐵站附近，而且餐廳座位闊落，適合一大班人一齊食飯。今日主要沖住新出套餐而來，先來個溫泉蛋凱薩沙律，沙律菜加上溫泉蛋，撈埋一齊口清新。北海道珍寶帶子配蟹肉海膽，多種海鮮配搭，滋味十足，帶子鮮甜，海膽棉密。松露和牛他他，有微微松露香氣，配上薄片脆脆，好crispy。月見特上西冷薄燒，由店員幫手，輕輕一燒就熟，配上海膽同月見蛋汁一齊食好滿足。和牛清湯伴三筋肉薄切，再由店員代勞，燒完之後放入到清湯入面中和一下油膩感。另外仲有個燒肉拼盤，有牛扒粒、肩胛肉、三角腩、仲有主打4%奇蹟庭牛，全部都嫩滑什有油脂，令人大快朵頤。仲有仲有雪糕任食。